Heritage

श्री मनोहर मादुस्कर सर, दापोली              

म्हणती खरे गुणसूत्र असे हे

जीवनी माझ्या अनूभवाची साक्षची ठरे

जन्मावेळी चालक असता पिताश्री माझे खरे

म्हणूनी पळूनी कालेजजीवनी चालक पद हे बरे

गुणसूत्र म्हणती असे हे खरे

जीवनी माझ्या अनूभवाची साक्षचि ती ठरे

नशीब बदलुनी झालो जेव्हा शिक्षकीपदी रुजुनी

पुत्ररत्न जन्मा येई आवड ती घेउनी

तन्त्रज्ञानाची जोड घेवुनी मार्ग पुढे नेई

दुरुस्तीज्ञानी पुढे येउनी मार्ग तो आक्रमी

बाह्यस्वरूपी अभ्यासाची गोडी लागली जेव्हा ती

सुपुत्र जन्मा येई तेव्हा आवड अभ्यासी

स्विकारुनी ती पदवी घेउनी व्यवस्थापना राही

नामलौकिका येवुनी तेथे इच्छा माझी पुरी करी

जोडीदार ही छान लाभली भाग्य हे माझे केवढे

जोरावर जिच्या पुढेचि आलो माहित सर्वा हे नसे

संसाराचा भारही मोठा हसत राहुनी वाही

चित्त लागले तिच्याकडे हे जराही संशय नाही